पत्रलेखन स्पर्धक क्रमांक 11- स्नेहल भालकर

 

स्पर्धक क्रमांक 11

Name - Snehal Udaysing Bhalkar.

Insta ID - @_poetic_magic_26

Email ID -

snehalbhalkar26@gmail.com

City - Kolhapur

प्रिय बालपण, 

       एकदा कधी मी शांत बसावे अन् तुझ्यासोबतच्या दिवसांचा आढावा घ्यावा. मग आठवतो तो अल्लडपणा , खेळणं-बागडणं. किती सुखाचा काळ होता ना? काही अनमोल क्षण निसटून गेल्यावरच त्यांची आठवण प्रकर्षाने होते. चांदोबा मामाचे गाणे संपल्यासारखे ते दिवसही सरून जातात. बघ किती वेडं असतं मन..! तुझ्यासोबत मजेत असुनही मला मोठे व्हावेसे वाटायचे. ताईसारखे काॅलेजला जाऊ वाटायचे, आईसारखी साडी नेसु वाटायची ,बाबांसारखी गाडी  

चालवु वाटायची. आता यामध्ये इतकं अडकून गेलेय की कापसाची म्हातारी पकडायला मिळत नाही की आईचं पत्र हरवत नाही.

        दिवस सरतात पण आठवणी मनाच्या कोपऱ्यात दाटून राहतात. तु पुन्हा माझ्यात येऊन त्या आठवणीत हरवायला मिळेल का? एक घास चिऊचा-काऊचा म्हणत जेवता येईल का? शाळेला सुट्टी हे ऐकून नाचता येईल का? अभ्यास कमी करून खेळायला जास्त मिळेल का? हे विचारायला मी तुला पत्र लिहित आहे. काही गोष्टी आपलं मन रिझवू शकत नाहीत. म्हणुन तु पुन्हा माझ्यात यावे अन् आठवणींची सय अधिक गडद व्हावी ही इच्छा करते. 

               मोठी होऊनही तुझ्यात     

               हरवून जाणारी..

                    छोटी